3.2. Lurraldeko hiri arteko zerbitzuak (EAE barruan)
Jarraian datorren taulak hiri arteko garraio flotetan egokiturik dagoen egungo ibilgailu zerrenda islatzen du, probintzietako aldundiek emandako datuak gorabehera.
Hiri arteko zerbitzuak | Flota | Irisgarriak | % | |
Bizkaibus | Bizkaia (BFA) | 309 | 281 | %91 |
Lurraldebus | Gipuzkoa (GFA) | 198 | 154 | %78 |
Araba[30] (AFA) | 58 | 25 | %43 |
Iturria: geuk egina.
Azken urteotan, foru administrazioek lagundu egin dute modu adierazgarrian eragile pribatuen material mugikorra modernizatzen eta, ondorioz, garraio zerbitzuen irisgarritasuna osorik hobetzen, bai programa-kontratuen bitartez (AFA), bai ibilgailuak erosteko laguntza lerro berariazkoak jarriz (GFA, BFA).
Hala eta guztiz ere, oztopo nagusia oin altuko ibilgailu oso zaharrak agertzea da, beren jardunaren mugan, edo, bestela, arrapala matxuraturik duten plataforma baxuko autobusak egotea (irisgarritasunik gabeko egoeran).
Euskal Autonomia Erkidegoko erabilera orokorreko linea erregularren emakida mapa berritzeak, 2012. urtetik aurrera, balio izan behar du funtsezko palanka gisa jarduteko material mugikorraren irisgarritasunaren hobekuntza osoan. Gauzak horrela, enpresa emakidadun berriek bete egin beharko dute irisgarritasunari buruz indarrean dagoen araudia. Eskakizun hori beren beregi eta araudiak finkatu bezala jasoko da emakidaren baldintza agirietan. Inolako zalantzarik gabe, inguruabar horrek foru flotak egokitu beharra ekarriko du.
Halaber, idatz zati honetan hiri zerbitzuetarako xehatutako komunikazio irisgarritasuneko gabeziak aplikatu behar dira.
[30] Arabaren kasu berezian, azpimarratzekoa da zera: lurraldeko zerbitzuak ematen dituzten hiri inguruko autobus flotez gain, bada taxi flota bat eskaera gorabehera hiri arteko garraio zerbitzua ematen duena lurraldeko kuadrilletan eta 9 plaza bitarteko ibilgailuak dituena..