I. Atala. Ararteko erakundearen jarduera kopurutan
1. Oharrak eta datu orokorrak
2. Arreta zuzeneko bulegoen jarduera (bisitak eta telefono bidezko kontsultak)
1. Hizkuntz eskubideak eta kultura
2. Hezkuntza
3. Ogasuna
4. Herrizaingoa
7. Herri lanak, garraioak eta azpiegiturak
8. Jarduera ekonomikoaren antolamendua
9. Herri-administrazioen zerbitzuko langileak
10. Animaliak babestea eta edukitzea
11.?Herri-administrazioen araubide juridikoa, ondasunak eta zerbitzuak
14. Lana eta gizarte segurantza
15. Hirigintza eta lurralde antolamendua
16. Etxebizitza
III. Atala. Arartekoaren jarduerak arreta publikoa behar duten taldeak babesteko
2. Emakumeen berdintasuna eta osotasuna
3. Ezintasunen bat duten pertsonak
5. Espetxeratuak
7. Ijitoak eta beste gutxiengo kultural batzuk
8. Etorkinak
9. Lesbiana, gay, bisexual, transgenero eta transexualak
10. Adinekoak
11. Talde terroristen biktimak
7. Inkomunikatutako atxiloketaren eremuko berme sistemari buruzko azterlana eta hobekuntza proposamenak (testu osoa web orrian)
VII. Atala. Arartekoaren berrikuntza jarduerak
10. Atala. Ondorioak Oinarrizko eskubideen eta askatasunen egoeraEuskadin, admnistrazioaren jardueraren arabera
VII. Atala. Arartekoaren berrikuntza jarduerak
1. Estrategia eta antolaketakoak:
• 2010eko martxoaren 8an, Arartekoaren Helburu Programatikoak 2010-2010 aldirako.
• Konpromiso publiko horiekin, helburu hauek lortu asmo dira:
- Arartekoan beste antolaketa eta egitura bat ezartzea.
- Haur eta Nerabeentzako Bulegoa eratzea.
- Arartekoaren baliabideak, jarduketak eta lan-tresnak etengabe modernizatzea.
- Giza eskubideak eta horiei dagozkien balioak sustatzeko jarduketak indartzea.
- Eztabaida-esparruak finkatzea, gizarte-erakundeekin harreman eta lankidetza arinak eta aktiboak izateko, herritarren parte-hartzea bultzatzea eta antzeko erakundeekiko harremanak indartzea.
Halaber, indartu beharreko hiru eremu ezarri dira:
• Arartekoaren bitartekari-lana.
• Administrazioen eginera onak sustatzeko lana.
• Demokraziaren balioan sakontzea, herritarrei parte hartzeko modua emanda.
• Arartekoaren Antolaketa eta Funtzionamenduaren Araudi berria onestea. Horren bidez, ordezkatu egin da 1997ko ekainaren 23an onetsitako araudia, 2010eko martxoaren 24an argitaratutakoa.
Araudia erreformatzeko arrazoia da azken urteetan Arartekoa sendotu egin dela, lan-arlo berriak sortu direla eta euskal gizarteari ematen dizkion zerbitzuak gehitzeaz bat handitu dela.
Araudi berrian ondo islatzen da zein beharrezkoa den Arartekoaren egitura egokitzea ahalik eta antolaketa moderno eta eraginkorrena izateko errekerimenduei erantzuteko, eta, horretarako, zerbitzu publikoen kalitatea hobetzeko parametroekin lan egitea proposatzen da. Bestalde, bi zuzendaritza espezifiko sortu dira: Haur eta Nerabeentzako Bulegoa, eta Gizarte Harremanetarako, Azterketetarako eta Modernizaziorako Zuzendaritza.
Arartekoan, lanaren antolaketa modu honetara geratu da:
- HAUR ETA NERABEENTZAKO BULEGOA (Bulegoak 2010. urtean zer jarduera izan duen jakiteko, ikus urteko txosten honen aparteko agiria).
- ARRETA PUBLIKOA BEHAR DUTEN TALDEEN ARLOAK (11 arlo). (Ikus txosten honetako III. kapitulua).
- ARLO MATERIALEN EREMUA (16 arlo) (Ikus txosten honetako II. kapitulua).
Hain zuzen, Modernizazio Zuzendaritza eta informazio, ezagutza eta datuen babeserako teknologien arlo materiala sortu izanak erakusten du helburu estrategiko horiek martxan jarri direla (ikus txosten honetako II.13 kapitulua).
• Zerbitzu-karta egitea.
Modu publikoan, Arartekoak katalogatu egiten ditu ematen dituen 16 zerbitzu orokorrak. Horietako batzuek (herritarrekin zuzenean loturikoak) Arartekoaren zerbitzu-karta osatuko dute 2011. urtean.
• Arartekoaren prozesuen eta prozesu-mapen definizioa:
Prozesuak hobetu aurreko urrats gisa, Arartekoaren prozesu giltzarriak identifikatu eta definitu dira, barneko lanaren ibilbilde-orri moduan. Horretarako, parte hartzeko barne prozesu bat egin da erakunde osoan, eta 6 prozesu estrategiko, 9 prozesu-eragile eta 11 euskarri-prozesu zehaztu dira. Horien zeharkako ardatzak honako hauek dira: giza eskubideen eta haurren eta nerabeen eskubideen gaineko sentikortasuna eta kontzientzia sustatzea, bai eta euskal administrazioetan eginera onak sustatzea ere.
Halaber, Arartekoaren lanaren hartzaileak honako hauek direla berretsi da: euskal herritarrak, Eusko Legebiltzarra eta euskal administrazio publikoak ‑Arartekoaren arauditik bertatik ondorioztatzen denez‑, baina prozesu horietan modu abantailatsuan txertatuta.
Lan horren azken helburua da prozesuak eta horien adierazleak harmonizatzea, Arartekoaren jardueraren eta hobekuntzen argazki dinamiko bat izateko.
Halaber, grafikoki zehaztu da zein diren prozesu garrantzitsuenen izapideak, eta metodologia bat ezarri da, horiek berriro aztertzeko eta errazteko, bide elektronikoetatik ematen diren zerbitzu publikoen kalitate errekerimenduarekin bat etorriz, herritarrak zerbitzu publikoetara bitarteko elektronikoz sartzeari buruzko ekainaren 22ko 11/2007 Legearen 34. artikuluak proposatzen duen bezala. Bertan adierazten denez, bitarteko elektronikoak prozeduren kudeaketari aplikatu aurretik, horiek erraztu egin beharko dira, murriztu egin beharko dira epeak eta erantzuteko denbora, eta ezabatu egin beharko da datuen transmisio bidez herritarrei eskatutako dokumentazioa ‑baita administrazioen artekoa ere‑, administrazio elektronikoaren eremuan Elkarreragingarritasunaren Eskema Nazionala arautzen duen urtarrilaren 8ko 4/2010 Errege Dekretuak ezartzen duen bezala.
Lehen emaitza Arartekoaren oinarrizko prozesua berriro definitzea izan da: kexen prozesua. Gainera, 2011. urtean ezarritako diren hainbat aldaketa zehaztu dira, hala nola:
• herritarrekiko harremanetarako bide ugari ezartzea,
• kontsultak eta berez kexa direnak bereiztea,
• informazio elektronikoaren sistema berriro zehaztea,
• prozedura erraztea eta estandar bihurtzea,
• espediente elektronikorako oinarriak ezartzea, eta
• sinadura elektronikoa ezartzea.
- Jarduera-planak egitea (modu espezifikoan garatuko dira II. eta III. kapituluetan) Arartekoaren lan-arlo bakoitzerako, arloa kudeatzeko plan gisa. Plan horiek Arartekoaren helburu programatikoekin loturik egongo dira.
Hala, garrantzi berezia eman zaie elkarteekin eta administrazioekin bilerak egiteari, zentro eta zerbitzuak ikuskatzeko bisitak egiteari, gomendio orokorrak egiteari, ohiz kanpoko txostenen jarraipena egiteari, arloa hedatzeari eta herritarrekin elkarreraginean jarduteari, hainbat formaturen bitartez.