3. Ibilgailuen irisgarritasuna
Metro sistemak erabateko irisgarritasuna bermatzen du nasa-kotxe erlazioan, izan ere, hura maila berdinean gertatzen da (bereizketa tartea ia ezereza da). Unitate mugikorren eta nasen diseinua hasieratik orientatu zen lehentasunezko helburu honen bilaketara.
Metroaren ibilgailu flota UT-500 eta UT-550 serieetako 37 unitatek eta UT-600 Serieko 9 unitate berrik eratzen dute.
Unitatea eratzen duten lau kotxeak elkarri akoplatuta daude, ate edota bestelako bereizketarik gabe. Horrela, tren barruan pertsonei mugikortasun handiagoa ematen dien toki bakarra lortzen da, eta baita banaketa eta erosotasun hobeak ere.
Estetikaren aldetik, UT-600 Serie berriak ez du alde handiegirik jada existitzen ziren horiekin alderatuz gero, nahiz eta funtzionaltasunaren aldetik hobekuntza adierazgarriak sartzen dituen, batez ere intsonorizazioaren eta bezeroarentzako informazioaren alorretan.
Barrualdean, informazio teleadierazgailu bat instalatu da kotxeen arteko lotunean; horrekin, zerbitzuaren alderdiei buruzko informazioa eman nahi zaie bidaiariei. Sistema hau Aginte Postu Zentralizatuarekin (PZ) konektatuta dago, eta aukera ematen du trenaren destinoari buruzko eta hurrengo geltokiari buruzko informazioa emateko zerbitzu normalizatuko egoera batean. Hala eta guztiz ere, zerbitzuan gerta daitekeen edozein inguruabar jakinarazteko ere erabili ahalko da. Bereziki erabilgarria izango da entzumen urrituen taldearentzat.
Mugikortasun urriko pertsonei egungo unitate mugikorretan irisgarritasuna bermatzeko faktore adierazgarrienak hauek dira:
– Eserita bidaiatzeko plazen proportzioa altua da (%20 eta %30 artean).
– Erabiliko ez badira eserlekuak eraisgarriak izatea espazio laguntza bat da.
– Gurpil aulkien erabiltzaile diren bezeroentzat gordetako tokiak. Toki hauek muturreko kotxeetan kokatzen dira, eta segurtasun uhalak eta sakagailuak dituzte, gidariari jakinarazteko gurpil aulkian doan mugikortasun urriko pertsona bat dagoela. Gidaria, barruko bideo-zaintzako kameren bitartez, adi dago bezero horien aurrean.
– Mugikortasun urriko pertsonentzat gordetako eserlekuak eta ohartarazteko botoia muturreko kotxeetan.
– Esekitze sistema, unitateko plataformaren garaiera iraunkorra bermatzeko.
– Ateak ixteari buruz ohartarazten duen soinu eta argi gailua.
– Argi informazioa, trenak linean duen kokalekua eta haren irteera jakinarazteko.
– Txistua trenetako ateak ixten direnean.
– Botoia unitate barruan gordetako eserlekuetarako.
– Dimentsio handiko ate bikoitzak, sarbidea errazteko.
– Igarobide argitsua, barrualde zirkularreko eraztunez elkartutako kotxeen artean.
– Iragartze akustikoa eta bisuala –linearen grafikoa erakusteko barruko kartelak–, ibilbideko hurrengo geltokiari buruz.
– Trenaren destinoa bidaiariei jakinaraztea nasan.
– Linearen aukeraketa eta egin beharreko ibilbidea.